Follow us
納豆係日本非常傳統同常見嘅發酵食品,但普遍嘅人對納豆都比較抗拒,原因係黎自納豆黏稠嘅質感同獨有嘅發酵味道,令唔少人都對進食納豆完全無興趣,甚至覺得噁心而拒絕進食。但原來呢一種係香港比較冷門嘅食物嘅食物竟然係一種超級健康食品!今日就等註冊營養師Harry同大家講解下納豆嘅營養價值有幾高啦
原來納豆含有豐富嘅蛋白質,鈣質同膳食纖維。係發酵嘅過程中,不但止保留左黃豆嘅營養價值,仲有豐富的維生素K2、益生菌以及產生許多活性物質如蛋白酶、脂酶、澱粉酶、纖維素酶、納豆激酶等酵素。呢個亦解釋到點解納豆經常都被萃取作為保健食品補充嘅原因。
而納豆最主要嘅成分就係納豆激酶,納豆激酶主要的效用在於促進新陳代謝、調節生理機能、增進循環力,清除路障、幫助暢通血管,對於維持整體健康黎講都係息息相關
進食納豆仲對我地身體帶黎好多健康益處1. 幫助及促進消化2. 強健骨絡,防止鈣質流失3. 血管清道夫4. 增強免疫力以下人士忌食納豆• 對亞摩尼亞過敏• 對豆類敏感• 正在服用抗凝血藥物