我終於完成咗3個月嘅減重計劃，仲達到咗當初目標 54kg，真係好開心！不過對女人嚟講，減肥係終身事業！減重唔容易，而 keep磅仲難！有營養師教路，出街食飯要注意嘅地方，希望磅數只會有小小上升 (上升係正常反應)，我會繼續努力，繼續做運動！

好多人為減肥可以著靚衫，但其實最重要嘅係健康，健康咁減，人哋問都唔會話我係節食，我可以好大聲同人講，我係用控制飲食 + 運動減肥！我真係成功咗啦！3個月減咗 8.8kg，體脂由 35 減到去 27，曾經以為不可能，原來我都可以！